Никола Сарајлија

Промени и спомени

во сеќавање на дедо ми – мојот
прв учител и воспитувач
поет и раскажувач

ПРОЛЕТ

мудроста на промените
длабоко во мракот
блеска

---

небесна завеса
сончев зрак
раскина

---

утринска насмевка
пролетно ветре
донесе

---

твоите питоми очи
моите луди страсти
ги смирија

---

пределот ме освојува
лесно во чекор
далечен

---

мирис на шаренолики
цветови во пролетен
сон ме опива

---

пејзажот ги осмислува
боите на залезот
таинствен

---

песната го открива
говорот и воздивот
секогаш поинаку

---

сонцето изнудува в радост
пролетна срамежлива смеа
распеана убост и младост
чувството во игра го слеа

---

светлоста ја крие невешто
изгубената невиност во
бесцелна смеа под yвездите
распрснати од срамежливост

---

вечерното небо со
полната месечина
минувајќи yвезден мост
откри сина светлина

---

погледни ме со ведра
насмевка уште еднаш
потем ако заминам
животот во спомени
неспокојно ќе мине

---

бранови скротени во погледот
зората ја будат од сребрен сон
ветрот на перницата се гнезди
уморен од скитање во бессон

---

сонце посакав - добив живот
yвезди посакав - добив детство
среќа посакав - добив младост
вечност посакав - добив смрт

---

молчењето кажува
повеќе од допирот
заскитан во времето

---

месецот на врвот
крвари во цветот
осамен

---

времето во непостојана
светлина на окото
одминува

---

ветрот ја остави
мислата во сенка
проколната

---

стивнати бури во просторот
сеќавање на иднината
будат

---

песната ако не смртта
сведочи за постоењето
маѓепсано

---

длабоко во зеницата
магловит привид
исчезнува

---

заминувајќи во неизвесност
можеби во безнадежност
остануваме

ЕСЕН

во сеќавање на дедо ми – мојот
прв учител и воспитувач
поет и раскажувач

СПОМЕНИ И ПРОМЕНИ